Egunean zehar, janari mota desberdinak egiten ditugu, gosaria, hamaiketakoa, bazkaria, askaria eta afaria. Jende gutxik egiten ditu janari guzti hauek. Gehienak, hiru egiten dituzte, beste batzuk gutxiago… Txikitan askaria jaten dugu, ama etortzen zen bokadiloarekin, baina handitzean, bokadiloa albo batera utzi eta litxarreriak eta beste motatako jakiak jaten hasten gara. Hamaiketakoa ere gutxitan egiten da, oso goiz jaikitzen zarenean eta gero gosea etortzen zaizunean baino ez, ez da egiten.

Bizi garen tokia dela eta, aldaketak ere badaude, adibidez, Irlandan, ez diote bazkariari hainbesteko garrantzirik ematen eta bai afariari. Jan, denok jaten dugu, baina jateko era asko daude. Gaur egun, dieta aproposa eta orekatu bat lortzen saiatzen da jendea. Dieta mediterraneoa, dieta ez dakit zein… eta horrelako gauzak daude. Ondo jatea garrantzitsua da gure gorputzerako. Itxura on bat edukitzeak, elikadura on batek eskaintzen dizu gehienetan, betiere kirola egiten eta bestelakoak. Itxurari garrantzi asko ematen diogun gizarte honetan, janariak, zeregin garrantzitsua jokatzen du eta mota ugarietako dietak sortzen dira.

Kalorien kontua ere, gai inportante bat bihurtu da, kolesterola eta beste hitz batzuk bezala. Dietak egiterakoan, kaloriak dira kontuan izaten direnak. Janari guztien kaloriak eta bestelako ezaugarriak aztertu eta dietak egiten dituzte. Nire ustez, janariari garrantzia asko ematea ez da komenigarria. Bai, kontuan izan beharreko gauza da, eta ondo jan behar da. Jakirik hoberenak, etxean prestatzen direnak dira. Geure amak edo amonak prestatutakoak, eta ez merkatal zentroetan erosten ditugunak. Gehiegi ez jatea da egin beharrekoa.

Dieta aproposa? Leku askotan begiratu ditzakezu, baina ez dira fidagarriak leku guztietan, eta dieta desegoki bat jarraitzeak arazoak ekar ditzake. Gero ere, beste gaixotasunen kontuak ditugu, anorexia eta horrelakoak.

Nire aholkua: On egin!

Duela urte batzuk, guk ginen inmigranteak, Espainia krisian zegoenean, gerra zibilarengatik edota ekonomi krisiengatik, beste lurralde batzuetara emigratzen genuen, adibidez Estatu Batuetara. Espainia mailan, barruko migrazioak eman dira, lan gehiago dagoen lurraldetara, adibidez Euskadira emigratu zuen jendea.

Gaur egun, egoera berdintsua da. Bere lurraldearekin, politikarekin, edota lan aukerarekin arazoetan ikusten den jendea emigratu egiten du. Gaur egungo kasuan, Afrikako jende mordoa emigratu egiten du beraien lurraldeetatik. Ez ezazue pentsatu, gustuko dutela, haien egoera txarra delako egiten dute eta haien bizitzak arriskuan jartzen dituzte. Haien helmuga Europa da, beraien ametsa, pertsona arrunt baten antzera bizitzea, haien familiekin, lan batekin eta lagun batzuekin. Baina Europara sartzea ez da gauza erraza paperik ez badituzu. Afrikako estatuetako gobernuak, ez dira Europako estatuetako gobernuak bezalakoak. Han ez dituzte paperak hain erraz ematen eta eskuratzeko zailak dira. Horregatik, Europan legalki sartzen diren afrikarrak gutxi batzuk dira, ilegalki sartzen direnekin konparatuta. Legalki sartzen direnak, dirua dutelako da ziurrenik.

Inmigrante ilegalen sarrerak gehituz doa, hasieran gutxi batzuk zetozen, baina geroz eta gehiagok helburu berdina dute. Europak hartutako jarrera, aktibitate poliziala handitzea izan da. Frontex programarekin zainketa materialaren aurrerapena hobetzea eta jende gehiago egiteko horretan ipintzea lortu dute. Orain inmigranteek zailagoa dute Europara heltzea eta geroz eta urrunagotik saiatzen dira, haien bizitzak arrisku handiago batean jartzen. Gainera, Frontex programakoek, Afrikako uretan nabigatzeko baimena eskatu dute, eta leku batzuetan, Afrikatik zaindu dezakete pateren kontua.

Inmigranteek bizitza arriskuan jartzen dutela kontuan izanda eta hauetako askok hiltzen direla edo egoera txarretan heltzen direla, haien abiapuntua urruntzeak, heriotza gehiago ekarriko ditu. Zer nolako gogoak izango dituzte Europara ailegatzeko, hain urrutitik abiatuta, beraien bizitza jokatzeko.

Nire ustez, Frontex programakoek, Afrikako gobernuekin hitz egin beharko luke. Honela inmigranteen etorrera galarazi beharrean, haien lurraldeen eskubideen alde borrokatu beharko lukete, honela inmigrazioa baztertu ordez, amaitutzat emango zen.

..................................................................Lake..................................................................